УКИМ

Водени од определбата за унапредување на меѓусебната соработка заради ефикасно спроведување на надлежностите утврдени со Закон, Агенцијата за национална безбедност, претставувана од директорот г. Виктор Димовски и Универзитетот „Св. Кирил и Методиј“ во Скопје, на 24 јануари потпишаа Меморандум за соработка.

Со овој Меморандум, Агенцијата и Универзитетот ќе соработуваат и взаемно ќе даваат помош и поддршка во следниве области: практична настава на студентите на Универзитетот, научноистражувачка и апликативна дејност, организирање на обуки, тркалезни маси, дебати, конференции и слично, взаемна соработка при изработување на значајни стратегиски документи од областа на безбедноста, користење на стручна литература од библиотечниот фонд на Универзитетот за потребите на Агенцијата, давање експертска помош од страна на Универзитетот при изготвување на одредени законски и подзаконски акти од надлежност на Агенцијата, соработка во областа на стипендирањето и доделувањето на школарини, како и давање препораки за профилирање на професионален кадар од редовите на студентите на Универзитетот за потребите на Агенцијата.