Учесници на Летната школа
Основна дејност
Семинарот има пет основни дејности:
● организирање и грижа за работата на лекторатите по македонски јазик во странство;
● организирање летна школа со курсеви по македонски јазик и предавања од областа на македонскиот јазик, литература, историја и култура;
● организирање научна конференција на теми од македонскиот јазик и македонската литература;
● сопствена издавачка дејност за потребите на лекторатите, летната школа и научната конференција;
● организирање на подготвителна настава по македонски јазик за странските студенти што се запишуваат на Универзитетот „Св. Кирил и Методиј” во Скопје.
Управа на Меѓународниот семинар за македонски јазик, литература и култура:
● проф. д-р Славица Велева, директор
(електронска адреса: msmjlk@ukim.edu.mk),
Малку историја
Меѓународниот семинар за македонски јазик, литература и култура е основан на 22 декември 1967 година.
Досега се одржани 51 летни школи, на кои учествувале повеќе од 3000 учесници од над 45 земји, меѓу кои истакнати македонисти, професори по македонски јазик и литература на странските универзитети, слависти, балканисти, преведувачи, научни работници и студенти што го изучуваат македонскиот јазик во нашите лекторати и универзитетите во светот.
Во претходниот период со Семинарот раководеле:
● Александар Спасов (1968-1970);
● Божидар Видоески (1971-1977);
● Томе Саздов (1978 – 1983);
● Кирил Конески (1984-1985);
● Томислав Тодоровски (1986-1989 и 1997-2000);
● Коста Пеев (1990-1993);
● Максим Каранфиловски (1994-1996, 2001-2005 и 2009-2013);
● Емилија Црвенковска (2006 – 2009).
|
