Р. Македонија

РЕПУБЛИКА МАКЕДОНИЈА 

Собрание на Р.Македонија

Република Македонија се протега на централниот дел на Балканскиот Полуостров, на површина од 25.713 км2, и се граничи на север со Србија, на северозапад со Косово, на југ со Грција, на исток со Бугарија, а на запад со Албанија. Со ваквата географска местоположба, Република Македонија претставува значајна крстосница и низ историјата на нејзината територија се вкрстувале разни цивилизации, религии и култури.

Според податоците од последниот попис во Македонија живеат околу два милиона жители.

Главен град на Република Македонија е Скопје, кој претставува најголем политички, економски, образовен и културен центар.

Македонија е претежно планинска земја, со извонредни природни богатства и убавини. Во Македонија има 34 планински врвови со над 2.000 метри надморска висина кои се богати со вегетација. Планините и планинските венци се испреплетени со бројни зелени котлини и долини. Влијанијата на медитеранската и континенталната клима овозможуваат висока плодородност на обработливата површина, развој на сточарството, а исто така, и можности за развој на летен и зимски туризам. Македонија е и земја на езера кои претставуваат нејзино големо природно богатство и главен туристички потенцијал. Во јужниот дел на Македонија се протегаат 3 големи тектонски езера: Охридското, Преспанското и Дојранското, кои со својот раскошен природен амбиент и со низата атрактивни рекреативни елементи претставуваат афирмирани туристички центри. На територијата на Македонија постојат 15 вештачки акумулациони и 25 глацијални езера сместени во највисоките делови на планинските масиви формирани уште за време на ледената доба. Зимските центри, Попова Шапка, Бистра-Маврово, Крушево, Пелистер, Пониква и Голак со прекрасните живописни терени, погодни за зимски спортови, се вбројуваат меѓу најубавите планински центри.

Македонија располага со огромно културно-историско наследство. Поради големиот број археолошки локалитети кои доминираат од античкиот период, таа со право го носи епитетот - волшебна земја на археологијата. Исто така, таа изобилува со голем број средновековни манастири и цркви, кои претставуваат врвни дела на старите градители, иконописци, фрескосликари и копаничари, како што се манастирите: Св. Јован Бигорски - Гостиварско, Марков манастир - Скопско, Св. Пантелејмон - Скопје, Лесновскиот манастир, Св. Наум Охридски - Охрид; црквите: Св. Софија - Охрид, Св. Спас - Скопје, Св. Ѓорѓи Архангел - с. Курбиново, и многу други манастири и цркви. Отоманската империја, исто така, оставила свој белег на овој простор со бројните џамии, амами и безистени.

Во Македонија постои традиција за негување на македонскиот фолклор, кој се одликува со богатство, шареноликост и разновидност и тој претставува сликовит израз на духот и начинот на живеење на македонскиот народ.

 

Последни новости

20-06-2018 - Градежен факултет - Скопје
одржани 16-тата Европска-подунавско конференција за геотехничко инженерство и Семинар под наслов “Управување со ризици во тенелоградбата”

12-06-2018 - КОНКУРС ВО РАМКИ НА ПРОГРАМАТА ЕРАЗМУС+ АКЦИЈА 1
ИНДИВИДУАЛНА МОБИЛНОСТ ЗА СТУДЕНТИ И НАСТАВЕН КАДАР за академската 2018/2019 година

12-06-2018 - Од доделувањето на
награди за најдобрите студенти на УКИМ

11-06-2018 - Предавање
„Математичари, Мистици, Чуда“

05-06-2018 - 8.6.2018, петок, 11.00ч., Ректорат на УКИМ
УКИМ ги наградува најдобрите студенти

31-05-2018 - Предавање
под наслов: „Пребришани умови, испрани мозоци“

31-05-2018 - Од одбележувањето на
69-годишнината од основањето на Универзитетот и одбележувањето на Денот на светите Кирил и Методиј - патрониот ден на Универзитетот

07-05-2018 - Светски ден на креативноста и иновативноста
21 Април 2018 година

07-05-2018 - П О К А Н А
по повод одбележувањето на 69-годишнината од основањето на Универзитетот и одбележувањето на Денот на светите Кирил и Методиј - патрониот ден на Универзитетот.

02-05-2018 - Учеството на Правниот Факултет
на меѓународниот натпревар по меѓународно право Philip Jessup

25-04-2018 - ОТВОРЕН ДЕН НА УКИМ
5.5.2018 / 10:00 - 17:00 / Кампус на технички факултети (МФС, ФЕИТ, ФИНКИ, ТМФ)