УКИМ

На 8 јуни 2018 година, во Ректоратот на Универзитетот „Св. Кирил и Методиј“ во Скопје, јубилејно, по 40. пат беше доделена наградата „26 јули“ на осуммина најдобри студенти, од средствата од Фондацијата „Франк Манинг“.
Од 1980 година, оваа награда традиционално се доделува секоја година на студенти кои покажуваат особени резултати од шест факултети од областа на општествените науки, архитектурата и уметностите.
Во учебната 2017/2018 година, ректорот на Универзитетот, проф. д-р Никола Јанкуловски им jа врачи наградата на следниве осум најдобри студенти од Филозофскиот факултет, Филолошкиот факултет „Блаже Конески”, Економскиот факултет, Факултетот за музичка уметност и Архитектонскиот факултет на Универзитетот „Св. Кирил и Методиј” во Скопје:

Филозофски факултет
•    Ивана Хаџиевска (10,00)
•    Емилија Пешевска (10,00)

Филолошки факултет „Блаже Конески”
•    Сашо Пшенко (10,00)

Економски факултет
•    Илчо Гавриловски (10,00)

Факултет за музичка уметност
•    Лида Алиу (9,93)

Правен факултет „Јустинијан Први“
•    Ирена Тачовска (9,90)
•    Лејла Тутиќ (9,90)

Архитектонски факултет
•    Христина Мијалчева (9,69)

На церемонијата на свеченото доделување на наградата присуствуваа и проректорите, членовите на Ректорската управа и Универзитетскиот сенат, а настанот го следеа и претставници на медиумите.