уким

Инфо блок

Поставена: 10-11-2021 14:24

Одбележување на Светскиот ден на науката за мир и развој 10 ноември 2021

Универзитетот "Св. Кирил и Методиј" во Скопје го одбележа Светскиот ден на науката, 10 ноември, со промоција на најдобрите научници и панел на тема: УКИМ во интернационални рамки, кој се одржа денес, 10 ноември 2021

Универзитетот "Св. Кирил и Методиј" во Скопје (УКИМ) го одбележа Светскиот ден на науката, со хибриден настан преку:

• Промоција на најдобрите научници и уметник за 2020 година

• Панел на тема: УКИМ во интернационални рамки и промовирање на Центарот ЦеНИИс

Ректорот, проф.д-р Никола Јанкуловски, ги промовираше најдобрите научници и уметник на Униврзитетот во одделни научноистражувачки подрачја, кои постигнале врвни научноистражувачки резултати во изминатата 2020 година.

За најдобри научници и уметник се промовирани:

Природно-математички науки	проф. д-р Валентин Мирчевски, Природно-математички факултет
Техничко-технолошки науки	доц. д-р Ефтим Здравевски, Факултетот за информатички науки и компјутерско инженерство
Медицински науки	проф. д-р Марија Вавлукис, Медицински факултет
Земјоделски и ветеринарни науки	науч.сор. д-р Александар Цветковиќ, Факултет за ветеринарна медицина
Општествени науки	проф. д-р Борче Трeнoвски, Економски факултет
Хуманистички науки	науч.сор. д-р Јасмина Мојсиева-Гушева, Институт за македонска литература
Уметности	Проф. д-р Румена Бужаровска, Филолошкиот факултет "Блаже Конески"

Како дополнување на традиционалната награда, се промовираше Плакета за посебен придонес, значајно признание кое произлезе од интензивните заложби да се работи на подобрување на интернационализацијата и видливоста на Универзитетот.

Промоцијата на Плакетата за посебен придонес за развојот на научноистражувачката дејност на Универзитетот, во изминатата деценија 2011-2020, во знак на признание за објавени најголем број научни публикации, индексирани во базата на Web of Science во изминатата деценија 2011-2020 и придонес за афирмацијата на Универзитетот во земјата и во странство, ја направи ректорот проф.д-р Јанкуловски, а добитник е:

Плакетата за посебен придонес за развојот на научноистражувачката дејност на Универзитетот

д-р Марјан Гушев, редовен професор на

Факултетот за информатички науки и компјутерско инженерство

Останати вести