Проф. д-р Христијан Горески, Факултетот за електротехника и информациски технологии, најдобар научник за техничко-технолошки науки

✨Проф. д-р Христијан Ѓорески од ФЕИТ е прогласен за најдобар научник на УКИМ во техничкотехнолошки науки за 2024 година. Тој работи на пресекот меѓу електротехника, информатика и биомедицинско инженерство, со фокус на паметни системи, вештачка интелигенција и носливи технологии за следење на здравјето.

Неговиот интерес се насочува кон алгоритми и системи кои, преку „wearables“ и сензори, препознаваат активности, стрес и здравствени состојби, со цел подобра превенција и квалитет на животот. Истражувањата комбинираат сигнална обработка, машинско учење и човеккомпјутер интеракција.

Во 2024 година објавува трудови во релевантни научни списанија како Nature Scientific Reports, JMIR mHealth and uHealth, BMJ Health Care Informatics, IEEE Communications Letters и IEEE Access, како и на врвни конференции (ACM UbiComp/ISWC, IEEE EMBC и др.). Бројот и квалитетот на публикациите, заедно со соработките со индустријата и меѓународните проекти, сведочат за исклучителна научна продуктивност.✨