Универзитетски центри | Универзитетски компјутерски центар

Како резултат на зголемените потреби за користење на придобивките од информациско – комуникациската технологија во наставниот, истражувачкиот и административно-управниот процес, на Универзитетот успешно функционира Универзитетски компјутерски центар (УКЦ) кој управува со универзитетската компјутерска мрежа (УКМ). Со следење и примена на современите трендови во информациските и комуникациски технологии, УКМ претставува адекватен одговор на постојаните потреби за модернизација на наставниот и истражувачкиот процес на Универзитетот преку создавање технички предуслови за непречена реализација на современ наставен процес во согласност со светските стандарди. Исто така, преку создавање на техничка база мрежата претставува претпоставка за имплементација на различни информативни услуги како и за Универзитетскиот информационен систем.