Отпочнува имплементацијата на Еразмус+ КА220 проектот: Интеркултурни вештини за административниот кадар во високообразовните институции (IKAS)

✨Во периодот од 17 до 19 ноември 2025 година, во Каен, Франција, официјално започна имплементацијата (kick-off) на проектот Еразмус+ КА220: Интеркултурни вештини за административниот кадар во високообразовните институции (IKAS).

На овој настан учествуваа претставници од универзитетите-партнери во проектот IKAS: Универзитетот во Каен – Нормандија (Франција), Универзитетот „Св. Кирил и Методиј“ во Скопје (Северна Македонија), Универзитетот во Лапонија (Финска), Универзитетот во Ваљадолид (Шпанија), Универзитетот во Пардубице (Чешка) и Универзитетот во Фрибург (Швајцарија).

Делегацијата на УКИМ активно учествуваше во тридневниот настан, кој опфати работни сесии за планирање на проектните активности, усогласување на методологијата и временската рамка, како и координативни состаноци посветени на организациските, педагошките и техничките аспекти на спроведувањето на проектот.

Во рамки на проектот IKAS, вработените во администрацијата на партнерските универзитети ќе посетуваат обуки за англиски јазик и интеркултурни вештини со цел унапредување на административните процеси и меѓународната соработка.

Проектот IKAS е дел од пошироката рамка на соработка помеѓу членките на Универзитетската алијанса AcrossEU, која преку мобилност, дигитална трансформација и развој на иновативни истражувања и студиски програми треба да создаде интегрирана европска академска средина.✨

#IKAS #ErasmusPlus #UKIM #AcrossEU #InternationalCooperation #HigherEducation #InterculturalSkills #Caen2025