Одржани обуки за новата функционалност на iKnow системот

На 5 и 6 октомври оваа година во Ректоратот на Универзитетот беа одржани четири обуки за новата функционалност на iKnow-системот за издавање на електронски документи. Обуките ги одржа претставник на тимот за одржување на iKnow-системот од Факултетот за информатички науки и компјутерско инженерство (ФИНКИ).
Обуките ги посетија 41 претставник од студентските служби и продеканите за настава од сите факултети – членки на Универзитетот.
Целта на обуките беше запознавање на присутните со новата функционалност, со која на студентите ќе им се обезбеди можност да добиваат електронски документи, валидни во правниот промет согласно актуелната законска регулатива, без потреба да ги посетуваат студентските служби.
Со воведувањето на оваа функционалност се очекува поедноставување на административните процедури, заштеда на време за студентите и растоварување на студентските служби.