Потпишан Меморандум за соработка помеѓу УКИМ и Макпрогрес групацијата и Фондацијата Прогресив Академија од Виница

Денес, на 2 април 2025 година, во име на Универзитетот „Св. Кирил и Методиј“ во Скопје проф. д-р Биљана Ангелова потпиша Меморандум за соработка со претставниците на Макпрогрес групацијата и Фондацијата Прогресив Академија од Виница, управителот м-р Глигор Цветанов, на Макпрогрес ДОО Виница и Александра Кирилова, директор на Фондацијата Прогресив Академија. На потпишувањето присуствуваше деканот на Технолошко-металушкиот факултет проф. д-р Стефан Кувенџиев.

Овој Меморандум поставува темели за долгорочна и плодна соработка во насока на овозможување на практична настава и студентски истражувања, спроведувањ на заеднички образовни активности, развој на иновации и технолошки трансфер, како и учество во европски и меѓународни проекти.

УКИМ и Макпрогрес групацијата заедно ќе работат на продлабочување на соработката помеѓу академската заедница и индустријата – со акцент на обезбедување на квалитетно образование, применливо знаење и поддршка на младите таленти.