СРЕДБА НА РЕКТОРКАТА НА УКИМ ПРОФ. Д-Р БИЉАНА АНГЕЛОВА И РЕКТОРОТ НА АНКАРСКИОТ УНИВЕРЗИТЕТ ПРОФ. Д-Р НЕЏДЕТ УНУВАР

Ректорката на Универзитетот „Св. Кирил и Методиј“, проф. д-р Биљана Ангелова, на 10 февруари оствари средба и имаше прием кај ректорот на Анкарскиот универзитет, проф. д-р Неџдет Унувар, со цел да се овозможи непречена работа и натамошен развој на Лекторатот по македонски јазик на УКИМ. Во рамките на оваа посета се надминати сите административни бариери за отпочнување со работа на Лекторатот по македонски јазик во Анкара и потпишан е нов билатерален договор меѓу двата универзитети.