Почетна | Новости | 17.12.2024

Во рамките на одбележувањето на 123 годишнината од раѓањето на донаторот на Фондацијата „Атанас Близнаков“ при Универзитетот „Св. Кирил и Методиј“ во Скопје, на 16.12.2024 година беа врачени договори за доделување и за продолжување на стипендии. Договорите ги врачи проректорката за настава проф. д-р Соња Топузовска.
Врз основа на распишани конкурси во учебната 2021/2022 година и во учебната 2023/2024 година, за продолжување на стипендијата се склучија 99 договори помеѓу Фондацијата „Атанас Близнаков“ при Универзитетот „Св. Кирил и Методиј“ во Скопје, застапувана од претседателот на Фондацијата, проф. д-р Биљана Ангелова, ректор на Универзитетот и студентите добитници на стипендијата.
За учебната 2024/2025 година, по распишан конкурс на 27 јуни 2024 година и извршена селекција, Одборот на Фондацијата „Атанас Близнакоф“ при Универзитетот „Св. Кирил и Методиј“ во Скопје донесе Одлука за доделува на 40 нови стипендии за редовни студенти запишани на прв циклус на студии при Универзитетот „Св. Кирил и Методиј“ во Скопје.
Со новите стипендисти беа склучени 40 договори за доделување на стипендијата. Со ова, вкупниот број на стипендисти кои студираат на факултетите во состав на Универзитетот „Св. Кирил и Методиј“ во Скопје е 139.
Стипендијата продолжува да се доделува во континуитет на денешни и идни студенти. Правото на стипендија се стекнува преку јавно распишан конкурс. Со помош на доделените стипендии преку оваа Фондација, многу некогашни студенти го оставриле својот сон, дипломирале и денес се многу успешни во својата област кај нас и во светот.
На студентите, добитници на стипендијата од Фондацијата „Атанас Близнакоф” при Универзитетот „Св. Кирил и Методиј“ во Скопје, им честитаме со надеж дека овие средства ќе им помогнат во нивниот личен академски развој и во остварување на посакуваните животни цели.