Home | News | 27.07.2026

Пишува: Вероника Гијовска, студентка на Институтот за хемија при Природно-математичкиот факултет

Од волонтирање до младински размени: што нуди летото за студентите?

За студентите, летото претставува заслужена пауза по напорната академска година. Но, месеците помеѓу два семестра се идеален период за стекнување нови искуства, запознавање луѓе со слични интереси и развој на вештини што ретко се учат во амфитеатрите.

Во продолжение издвојуваме неколку можности за студентите на УКИМ ова лето.

 

Еразмус+ мобилности

Еразмус+ мобилностите за млади претставуваат една од најпопуларните можности за неформално образование, меѓународна соработка и стекнување нови искуства меѓу младите во Европа. Студентите на УКИМ можат да аплицираат на повици за младински размени и тренинг-курсеви на различни теми од интерес. Темите можат да бидат различни – од екологија и човекови права до претприемништво, уметност и ментално здравје. Учеството на младинските размени и тренинг-курсевите е бесплатно, а голем број активни повици можат да се најдат во актуелните групи na Фејсбук и Вибер или споделени на социјалните мрежи на невладините организации кои организираат размени.
https://www.facebook.com/share/g/1EhYDvi6EX/
https://www.facebook.com/share/g/14aLV12jShu/
https://www.facebook.com/share/g/19HuAEYdXD/
https://invite.viber.com/?g2=AQA%2B7LMC%2BwuYVVJ9uJddWCBpStE4chWbdqOUP76oAY myTnddoE8zawmjzHEVhyun

 

Клубови на млади при општинските организации на Црвениот крст

Во рамките на општинските организации на Црвениот крст во државата функционираат 34 клубови на млади. Клубовите имаат свое координативно тело, а во текот на летните месеци реализираат и волонтерски програми. Волонтирањето во клубовите најчесто вклучува учество на крводарителски акции, организација и реализација на хуманитарни активности, следење врснички едукации и други активности од хуманитарен карактер.
Студентите од различни факултети можат да ги контактираат клубовите на млади во своите општини преку социјалните мрежи и да се вклучат во нивните активности, не само преку летните програми, туку и како врснички едукатори, членови на тимовите за прва помош или во други активности поврзани со нивната област на студирање.

 

Младински центри

Во општините Центар, Чаир, Куманово, Пробиштип, Штип, Велес, Кавадарци, Битола, Струмица, Македонски Брод, Охрид, Боговиње, Брвеница и Гостивар функционираат младински центри со вработени младински работници, каде што сите млади и студенти имаат можност да се вклучат во волонтерски активности. Освен тоа, младинските центри често организираат бесплатни работилници, обуки, дебати, културни настани и активности за личен и професионален развој на младите

 

Волонтирање на филмскиот фестивал „МакеДокс“

Љубителите на филмот и културата ова лето можат да се вклучат како волонтери на фестивалот „МакеДокс“ – фестивал посветен на креативниот документарен филм.
Волонтерите имаат можност да бидат дел од организацијата на еден од најпрепознатливите културни настани во државата, да стекнат искуство во организација на настани и да запознаат автори, гости и волонтери од различни средини.
Седумнаесеттото издание на „МакеДокс“ ќе се одржи од 20 до 27 август, а организаторите бараат волонтери за периодот од 10 до 30 август. Повикот за волонтери е отворен до 1 август.
https://makedox.mk/mk/%d0%bf%d0%be%d0%b2%d0%b8%d0%ba-%d0%b7%d0%b0-%d0%b 2%d0%be%d0%bb%d0%be%d0%bd%d1%82%d0%b5%d1%80%d0%b8-%d0%bd%d0%b0-17-%d0%bc%d0%b0%d0%ba%d0%b5%d0%b4%d0%be%d0%ba%d1%81/oglasna-tabla/

 

Извиднички одреди

Извидничките одреди претставуваат една од најдолговечните форми на младинско организирање во земјата. Преку кампови, едукативни активности, обуки и волонтерски акции, младите имаат можност да стекнат практични вештини, да престојуваат во природа и да развиваат тимска работа и лидерски способности. Студентите заинтересирани за ваков тип активности можат да се приклучат кон некој од извидничките одреди во својот град и да се вклучат во нивните летни програми и кампови.
https://izvidnici.mk/clenstvo/

 

Волонтерски центар Скопје

Волонтерскиот центар Скопје нуди можности за вклучување во локални и меѓународни активности, како и за соработка со волонтери од различни европски земји. Организацијата редовно спроведува младински проекти, работилници, културни настани и волонтерски акции, во кои младите можат активно да учествуваат.
https://vcs.org.mk/mk/join-us/

 

Три месеци се доволни за многу работи – да прочитате неколку книги, да посетите ново место, да стекнете нова вештина или да запознаете луѓе што ќе останат дел од вашиот живот и по завршувањето на студиите. Кој знае, можеби токму една пријава за волонтирање или за младинска размена ќе биде почеток на вашата следна голема приказна.

 

Статијата ја објавува „Авангарда“, студентски гласник на Универзитетскиот комуникациски центар на Универзитетот „Св. Кирил и Методиј“ во Скопје – виртуелен простор каде студентските идеи, предизвици и успеси добиваат глас, видливост и можност да поттикнат