Отворен повик за 40 стипендии од Фондацијата „Атанас Близнакоф“ - Универзитет „Св. Кирил и Методиј“ во Скопје

Open Call by the "Atanas Bliznakoff" Foundation

Отворен повик за доделување 40 стипендии од Фондацијата „Атанас Близнакоф“

Фондацијата „Атанас Близнакоф“ од САД, Фондацијата „Атанас Близнакоф“ при Универзитетот “Св. Кирил и Методиј„ во Скопје и Фондацијата МК2025 објавуваат повик за доделување 40 (четириесет) стипендии за студенска извонредност за редовни студенти запишани на прв циклус студии на студиските програми на Универзитетот „Св. Кирил и Методиј“ во Скопје, во учебната 2024/2025 година.

Стипендиите се доделуваат на редовни студенти кои се запишани на прв циклус на студии на сите факултети при Универзитет “Св. Кирил и Методиј„ во Скопје, кои постигнале исклучителни резултати и успех во претходниот циклус на образование, имаат достигнувања и мотивација за личен и професионален развој, но и кои немаат доволно средства за продолжување на сопственото образование.

Во 2024/2025 година, 40 средношколци кои ќе се запишат на прва година на студии на Универзитетот “”Св. Кирил и Методиј”” Скопје ќе добијат стипендиja во висина од 2.500,00 (две илјади и петстотини) американски долари годишно.