Соработка во настава | Стручњаци од практика

Универзитетот се стреми кон синергија помеѓу академската и социо-економската сфера, со цел да се задоволат специфичните потреби на пазарат на трудот и во континуитет води сметка за задоволување на барањата кои економскиот и јавниот сектор ги имаат од високообразовните кадри кои излегуваат од нашата академска заедница.

За Универзитетот исполнувањето на потребите на општествената заедница има едукативна, практична и развојна димензија. Од една страна, оваа синергија влијае врз креирањето нови и врз модификацијата на постојните наставни програми, со цел студентите да се здобијат со потребните вештини и знаења во функција на потребите на пазарот на трудот, од друга страна, стопанските и нестопанските субјекти имаат можност да ги користат истражувачките и апликативните потенцијали со кои располага Универзитетот.

Вклучувањето на афирмираните стручњаци од практиката и на уметниците во наставно-образовниот процес, како специјалисти и експерти кои изведуваат настава за одделни делови од наставен предмет, им овозможува на студентите да допрат до реалниот, економскиот свет.

На почетокот на секој семестар, Ректорската Управа донесува одлука за ангажирање на афирмирани стручњаци од практиката и уметници за потребите на единиците на Универзитетот.