УКИМ ГО ОДБЕЛЕЖУВА СВЕТСКИОТ ДЕН НА НАУКАТА ЗА МИР И РАЗВОЈ

УКИМ ЗА 10 НОЕМВРИ – СВЕТСКИОТ ДЕН НА НАУКАТА ЗА МИР И РАЗВОЈ

Универзитетот „Св. Кирил и Методиј“ во Скопје, секоја година, традиционално, го одбележува Светскиот ден на науката за мир и развој, со истакнување на врвните резултати во научноистражувачката дејност од претходната календарска година.

Ми претставува чест и задоволство да Ве поканам на одбележувањето на годинешниот Светски ден на науката за мир и развој – 10 Ноември, и на доделувањето награди за најдобрите научници и уметник за придонесот кон афирмацијата на Универзитетот.

Одбележувањето ќе се одржи на 11 ноември 2024 (понеделник), со почеток во 10:00 часот, во Ректоратот на Универзитетот „Св. Кирил и Методиј“ во Скопје.

10:00 Обраќање на ректорката проф. д-р Биљана Ангелова

10:20 Доделување на Награда за најдобри научници / уметник на УКИМ за 2023 година

10:40 Доделување на Плакета на УКИМ за врвни достигнувања во науката

Особена чест ќе ни претставува Вашето присуство на одбележувањето на Светскиот ден на науката за мир и развој.