Школа за докторски студии

Универзитетската школа на докторски студии започна со работа во академската 2011/2012 година, со воведување нов концепт на трет циклус студии – докторски студии на Универзитетот „Св. Кирил и Методиј“ во Скопје.

Докторските студии на Универзитетот „Св. Кирил и Методиј” во Скопје се реализираат во согласност со правилата на Болоњскиот процес и со Европскиот кредит-трансфер систем што овозможува нивна меѓународна препознатливост и можност за интердисициплинарни научни истражувања.

Студиските програми за докторски студии опфаќаат голем број на научни области во сите научнoистражувачки подрачја, според Меѓународната фраскатиева класификација:

• природно-математички науки;
• техничко-технолошки науки;
• медицински науки и здравство;
• земјоделски и ветеринарни науки;
• општествени науки;
• хуманистички науки и
• уметности.

Дел од докторските студии се организираат и како интердисциплинарни студиски програми во кои учествуваат повеќе единици на Универзитетот „Св. Кирил и Методиј” во Скопје.

Докторските студии имаат за цел:

• унапредување на научноистражувачката, уметничката и стручната работа на Универзитетот „Св. Кирил и Методиј” во Скопје;
• пренесување знаења на новите генерации;
• оспособување кадар кој самостојно ќе води оригинално научно истражување;
• развивање на нови технологии и уметнички проекти и
• интернационализација на Универзитетот „Св. Кирил и Методиј” во Скопје.