е-Издаваштво

Издавачката дејност на Универзитетот „Св. Кирил и Методиј“ во Скопје е присутна од почетокот на неговото постоење и опфаќа академско издаваштво и научно издаваштво, преку што се интегрираат публицистичките активности на единиците на Универзитетот.

Денес, издавачката дејност е насочена кон електронски изданија, со што се гради дигитална библиотека на академското издаваштво со електронски учебни помагала и дигитализирана научна публицистичка дејност, преку дигитализација на научните изданија.

 

Академско електронското издаваштво

Академското електронско издаваштво, на годишно ниво публикува по околу 40 учебни помагала подготвени од факултетите и институтите на Универзитетот, а до сега се публикувани повеќе од 300 изданија. Реализацијата се спроведува преку уредена постапка на јавен Конкурс на УКИМ.

Пристап до дигиталната библиотека на академското издаваштво на УКИМ, на следниот линк.

 

Научно издаваштво

Научното издаваштво на УКИМ е поврзано со научноистражувачката дејност на 23-те факултети, 5-те научни институти, 4-те научни институти јавни установи и 1 факултет придружна членка, што овозможува да се покријат сите научни подрачја и на тој начин да се развие разновидна и висококвалитетна научна издавачка програма.

Годишно се публикуваат 48 меѓународни научни списанија со повеќе од 200 трудови, од кои околу половина се поставени на дигитална платформа (e-journals.ukim.mk), базирани на уредувачки политики кои го следат дијамантскиот модел со отворен пристап, а останатите се во печатени верзии.

УКИМ се залага сите научни списанија да бидат дигитализирани и со отворен пристап, што ќе даде важен придонес за видливоста на Универзитетот „Св. Кирил и Методиј“ во Скопје, како клучна академска институција во државата.

Пристап до информации за научното издаваштво на УКИМ, на следниот линк.