Средба на ректорката проф. д-р Биљана Ангелова со делегацијата од Универзитетот „Ориентале“ во Неапол предводена од ректорот проф. д-р Роберто Тотоли

Денес, 12 март, ректорката проф. д-р Биљана Ангелова имаше средба со ректорот на Универзитетот „Ориентале“ во Неапол проф. д-р Роберто Тотоли и делегацијата која тој ја предводеше.
На средбата се разговараше за продлабочување на академската соработка, со посебен акцент на заеднички истражувачки проекти, размена на наставен кадар и мобилност на студенти во рамките на билатералниот договор за соработка и програмата Еразмус+.
Универзитетот Л’Ориентале во Неапол, основан во 1732 година, и е најстарата високообразовна институција во Италија посветена на ориенталните и интеркултурните студии. Во 1969 година, токму на овој универзитет беше отворен лекторат по македонски јазик, кој одигра значајна улога во промовирањето на македонскиот јазик во Италија.