Свечено е отворена 58. Летна школа на МСМЈЛК при УКИМ

Расте интересот за изучување на македонискиот јазик, литература и култура на странските универзитетски центри❗
Мисијата на МСМЈЛК при УКИМ е од суштинско значење за државата.
Ректорката, проф. д-р Биљана Ангелова истакна дека преку традицијата на Меѓународниот семинар за македонски јазик, литература и култура при УКИМ ја потврдуваме нашата трајност. Во јазикот се огледуваат минатото, сегашноста и иднината на еден народ.

На денешното свечено отворање се обратија: претседателката на државата, проф. д-р Гордана Сиљановска-Давкова, министерката за финансии, м-р Гордана Димитриеска-Кочоска, ректорката на Универзитетот „Св. Кирил и Методиј“ во Скопје, проф. д-р Биљана Ангелова и директорката на Меѓународниот семинар за македонски јазик, литература и култура при УКИМ, проф. д-р Кристина Николовска.